Рубен Невешни АПЛдан уч клуб трансфер қилмоқчи

“Ал-Ҳилол” ярим ҳимоячиси Рубен Невеш Англия Премьер-лигасига қайтишни мақсад қилган ва бу қишда клубини ўзгартириши мумкин. Аввалроқ футболчи клуб билан янги шартнома имзолашдан бош тортгани ҳақида хабарлар тарқалган эди.

The Times маълумотига кўра, шундан келиб чиқиб “Ал-Ҳилол” раҳбарияти Невешни январ трансфер ойнасида сотиш вариантини кўриб чиқмоқда. Дастлаб трансфер нархи 18 миллион фунт атрофида бўлиши айтилган, бироқ футболчининг позицияси сабаб келишув янада арзонроқ суммага амалга ошиши эҳтимоли бор.

Қайд этилишича, Невешга АПЛнинг бир нечта клуби қизиқиш билдирмоқда. Улар орасида “Манчестер Юнайтед”, “Ньюкасл” ва “Вест Ҳем” бор.