Канчельскис Сафоновни Акинфеевдан кейинги иккинчи дарвозабон деб атади

«Манчестер Юнайтед»нинг собиқ ярим ҳимоячиси Андрей Канчельскис Матвей Сафоновнинг «ПСЖ» сафидаги муваффақияти ҳақида фикр билдирди. Россиялик дарвозабон ўйиндан кейинги пеналтилар сериясида тўртта зарбани қайтариб, жамоаси билан Қитъалараро кубок соҳиби бўлди.

Канчельскис Сафоновни Англиянинг машҳур клубида кўришни исташини ҳам айтди. «Уни ‘Манчестер Юнайтед’да кўришни хоҳлаган бўлардим.

Мен уни тавсия қилган бўлардим. Нега энди йўқ?

Менимча, Игор Акинфеевдан кейин у иккинчи рақам. Акинфеев биринчи, у эса иккинчи», — дея Канчельскис сўзларини «Советский спорт» нашри келтиради.

Аввалроқ ушбу мавзуда таниқли мураббий Юрий Сёмин ҳамда Россия Федерацияси Коммунистик партияси раҳбари Геннадий Зюганов ҳам ўз муносабатини билдирган эди.