Челси ва Арсенал Ювентус юлдузи Йилдиз билан музокара олиб бормоқда

Англиянинг етакчи клублари Ювентус ҳужумчиси Кенан Йилдиз учун курашни давом эттирмоқда. Турин клуби раҳбарияти 20 ёшли футболчини шартномани яхшиланган шартларда узайтиришга кўндиришга уриниб кўрмоқда, бироқ Премьер-лига вакиллари туркиялик иқтидор эгасини ўз сафига оғдириш ҳаракатидан воз кечмаяпти.

Caught Offside хабарига кўра, Лондоннинг Челси ва Арсенал клублари футболчининг агентлари орқали у билан музокаралар олиб бормоқда. Ҳужумчи эса келажаги борасида ҳали якуний қарорга келмаган.

Transfermarkt портали Кенан Йилдизнинг бозор қийматини 75 миллион еврога баҳолаган. Жорий мавсумда туринликлар ҳужум чизиғининг етакчиси 21 учрашувда 6 та гол ва 6 та голли узатма қайд этган.