Тео Эрнандес: Модрич даҳодир, у билан Реалда ўйнаганмиз

Франциялик футболчи Тео Эрнандес Италия Суперкубоги доирасида «Наполи»га қарши ўйиндан аввал «Милан» лагерига ташриф буюриб, собиқ жамоадошлари билан кўришди. Учрашувдан сўнг Эрнандес журналистлар билан суҳбатда энг эсда қолган лаҳза Лука Модрич билан учрашув бўлганини айтди.

Тео ва Модрич бир пайтлар Мадриднинг «Реал» клубида бирга тўп сурган. «Мен Бартесагини табрикладим ва «Реал»да бирга ўйнаган Модрични қучоқладим.

У даҳодир, у бошқа даражада ўйнайди», — дея Эрнандес сўзларини келтиради La Gazzetta dello Sport. Бироқ Теонинг ташрифи «Милан» учун омадли якунланмади: жамоа «Наполи»га 0:2 ҳисобида ютқазиб, Италия Суперкубогини тарк этди.