Винисиус "Реал" билан шартномани узайтиришга иккиланмоқда

Юлдуз ҳужумчи Винисиус Жуниор "Реал" билан шартномани узайтириш керак-керакмаслиги борасида иккиланмоқда. Бу ҳақда El Chiringuito дастурида маълум қилинди.

Манбага кўра, Винисиус илк бор "Реал" мухлисларининг бир қисми уни қўллаб-қувватламаётганини ҳис қила бошлаган. Бу Ла Лиганинг "Севилья"га қарши яқиндаги ўйинида яққол кўринди — "Сантьяго Бернабеу"да мадридликлар мухлислари Винисиусни ҳуштакбозлик билан қарши олди.

Винисиуснинг "Реал" билан амалдаги шартномаси 2027 йил ўрталаригача мўлжалланган. Transfermarkt портали 25 ёшли бразилиялик футболчини 150 миллион евроға баҳоламоқда.

"Реал" Ла Лига жадвалида иккинчи ўринда бормоқда — "Барселона"нинг очколари тўрттага кўп.