Слуцкий бошчилигидаги Shanghai Shenhua яна мағлуб бўлди

Леонид Слуцкий бошқарувидаги «Shanghai Shenhua» Осиё Чемпионлар лигасининг умумий босқичи 6-турида сафарда «Sanfrecce Hiroshima»га 0:1 ҳисобида ютқазиб, турнирда яна очколар ололмади. Бу ҳақда euro-football.ru хабар беради.

Учрашувдаги ягона гол 78-дақиқада урилди — японлар сафида ҳимоячи Хаято Араки ҳал қилувчи зарбани йўллади. Бу натижа Хитой клуби учун мусобақадаги кетма-кет учинчи мағлубият бўлди.

Олти турдан кейин «Shanghai Shenhua» 4 очко билан жадвалда 11-ўринда бормоқда. «Sanfrecce Hiroshima» эса 11 очко жамғарган ҳолда учинчи поғонани эгаллаб турибди.