Спаллетти «Ювентус» юлдузи Йилдизни инопланеталик деб атади

«Ювентус» бош мураббийи Лучано Спаллетти яна бир бор ҳужумчи Кенан Йилдизнинг ўйинидан қойил қолганини айтди. Бу ҳақда euro-football.ru хабар беради.

20 ёшли футболчи А Сериянинг 22-тури доирасида «Наполи»га қарши баҳсда (3:0) жамоасининг йирик ғалабасига ҳисса қўшиб, гол ҳам урди.

Спаллеттининг таъкидлашича, Йилдиз оддий футболчи эмас: у «инопланеталик»дек кўринади, баъзан эса атайлаб хато қилгандек бўлиб, ўзини оддий инсон сифатида кўрсатишга уринади.

Туркиялик ёш юлдуз жорий А Серия мавсумида 21 ўйинда 8 та гол урди ва 4 та голли узатма берди.

Ҳозирда «Ювентус» 42 очко билан турнир жадвалида бешинчи, «Наполи» эса 43 очко билан тўртинчи ўринда бормоқда.