«Килмес» стадионини қайта қуриш учун мухлисларни ёрдамга чақирди
Аргентинанинг 1887 йилда ташкил топган энг қадимий клубларидан бири — «Килмес» бугун оғир даврни бошдан кечирмоқда. Клуб кўп сонли ишқибозларга эга бўлса-да, ҳозирги вазиятда уларнинг ёрдамисиз олдинга юриш қийин. Бу ҳақда euro-football.ru хабар беради.
Раҳбарият стадионни қайта қуриш режасини эълон қилди, бироқ одатдагидек молиявий хайрия сўраш билан чекланмаяпти. «Килмес» мухлисларига анъанавий усулни таклиф қилди: стадионга келиб, таъмирлаш ва қайта жиҳозлаш бўйича ишларни бевосита ўз қўллари билан бажариш.
Жанубий яримшарда жазирама ёз ҳукм сураётганига қарамай, ишқибозлар бу чақириқни илиқ қабул қилди ва клубнинг сўровига фаол тарзда жавоб қайтармоқда.