Реднапп «Ливерпул» таркиби жуда сийрак эканини айтди

Аввал «Ливерпул» сафида тўп сурган Жейми Реднапп «қизиллар»нинг ҳозирги таркиб ҳолати ҳақида фикр билдирди. Бу ҳақда euro-football.ru хабар беради.

Эксярим ҳимоячининг таъкидлашича, жароҳатлар кўпайиб кетгани сабаб клуб раҳбарияти трансфер бозорида фаолроқ ҳаракат қилиши керак. Реднапп бу борада Арне Слотга ҳам қўшимча ёрдам зарурлигини қайд этди.

«Шунақа таассурот уйғонадики, уларда умуман ўйинчи қолмагандек. Янги футболчилар керак, Слотга бу масалада кўмак зарур. Яна бир-иккита жароҳат бўлса, жиддий муаммолар чиқади», — дея унинг сўзларини келтиради Sky Sports.

Англия Премьер-лигасининг 23-туридан сўнг мерсисайдликлар 36 очко билан турнир жадвалида 6-ўринда бормоқда.

Эртага, 28-январ куни Арне Слот жамоаси Чемпионлар лигасида «Қорабоғ»га қарши майдонга тушади.