Денис Макаров «Кайсериспор»да жароҳат олиб сафдан чиқди
Туркиянинг «Кайсериспор» клубида тўп сураётган россиялик ярим ҳимоячи Денис Макаров номаълум муддатга жамоага ёрдам бера олмайди. Клуб матбуот хизмати футболчининг жароҳат олганини маълум қилди. Бу ҳақда euro-football.ru хабар беради.
Хабарга кўра, тиббий кўрик якунида Макаровнинг ўнг сонининг юқори қисмидаги мушаклар гуруҳида енгил шикастланиш ҳамда шиш аниқланган. Айни пайтда даволаниш жараёни давом этмоқда.
Макаров «Кайсериспор» сафидаги илк учрашувини 3 февраль куни «Галатасарай»га қарши ўйинда ўтказганди. Беллашув 0:4 ҳисобида якунланган, клуб эса турнир жадвалида 17-ўринда бормоқда ва қуйи лигага тушиб кетмаслик учун курашмоқда. Футболчи аввалроқ Москванинг «Динамо» жамоасида ўйнаган ва клубни эркин агент сифатида тарк этган.