Чемпионлар лигаси финали учун янги тўп намойиш этилди

Чемпионлар лигасида умумий босқич якунга етди. Эндиликда плей-офф ўйинлари бошланади: 16 жамоа стик раундида майдонга тушиб, 1/8 финал йўлланмаси учун курашади. Умумий босқичнинг энг яхши саккиз жамоаси эса 1/8 финалга тўғридан-тўғри чиқиб бўлди. Бу ҳақда euro-football.ru хабар беради.

Шу билан бирга, УЕФА Чемпионлар лигаси финали учун мўлжалланган расмий тўпни тақдим этди. У қора-тўқ ранглар уйғунлигида, оқ юлдузлар билан безатилган. Тўпни Adidas компанияси ишлаб чиққан.

2025/2026 йилги мавсум финал учрашуви Будапештда ўтказилади. “Қулоқли” соврин учун ҳал қилувчи баҳс 30 май, шанба куни бўлиб ўтади.

Ҳозирги чемпион — PSJ. Ўтган финалда парижликлар “Интер”ни мутлақо имкониятсиз қолдириб, 5:0 ҳисобида ғалаба қозонганди.