«Чикаго Файр» мураббийи Левандовски бўйича фикр билдирди
Американинг «Чикаго Файр» клуби бош мураббийи Грегг Берхалтер «Барселона» ҳужумчиси Роберт Левандовскининг эҳтимолий трансфери юзасидан муносабатини билдирди. Бу ҳақда euro-football.ru хабар беради.
Мутахассис музокаралар тафсилотига киришишни истамаслигини айтиб, поляк форвардининг даражасини алоҳида таъкидлади: у топ-5 лигаларда сўнгги 15 йил ичида энг кўп гол урган футболчи эканини эслатди. Берхалтерга кўра, Левандовски қайси жамоада ўйнамасин, доим юқори савиясини исботлайди ва у анчадан бери футболчининг мухлиси.
Аввалроқ ОАВда «Чикаго Файр» Левандовскига икки йиллик шартнома таклиф қилаётгани ҳақида хабарлар тарқалган эди.
Левандовскининг «кўк-анорранглилар» билан амалдаги келишуви 2025/2026 йилги мавсум якунида тугайди.