Ермаков Трубининг «Реал» дарвозасига урган голини кино деб атади

«Пари НН» ярим ҳимоячиси Никита Ермаков «Бенфика» дарвозабони Анатолий Трубининг «Реал» дарвозасига урган голи уни қандай ҳайратга солганини айтиб берди. Бу ҳақда euro-football.ru хабар беради.

Эслатиб ўтамиз, Чемпионлар лигасининг 8-турида Трубин қўшимча дақиқаларда гол уриб, португалияликларнинг плей-оффга чиқишига катта ҳисса қўшди.

Ермаковнинг сўзларига кўра, бу эпизод худди фильмдаги саҳнани эслатган. У бундай ҳолатни ҳали ҳеч қачон кўрмаганини ҳам таъкидлади.

Қуръа натижаларига кўра, «Реал» ва «Бенфика» Чемпионлар лигаси плей-оффининг стиковий раундида яна ўзаро тўқнаш келади. Биринчи учрашув 17 февраль куни Лиссабонда, жавоб ўйини эса 25 февраль куни Мадридда бўлиб ўтади.