Икарди хет-трик қайд этди ва «Галатасарай» рекордини янгилади

Туркия чемпионатининг 22-тур учрашувида «Галатасарай» «Эюпспор»ни йирик ҳисобда мағлуб этди — 5:1. Бу ҳақда euro-football.ru хабар беради.

Баҳснинг бош қаҳрамони аргентиналик ҳужумчи Мауро Икарди бўлди: у учта гол уриб, клуб тарихида энг кўп гол урган легионер сифатида янги рекорд ўрнатди.

Икарди бу кўрсаткичда руминиялик Георге Ҳажини ортда қолдирди. Ҳажи «Галатасарай» сафида 75 марта рақиб дарвозасини ишғол қилган бўлса, Мауро энди 76 та гол билан пешқадамга айланди. Умумий тўпурарлар рўйхатида эса у ҳозирча еттинчи поғонада.

Эслатиб ўтамиз, Мауро Икарди «Галатасарай» сафида 2023 йилдан буён тўп сурмоқда. У бунга қадар ПСЖ шарафини ҳимоя қилган.