Слуцкий бошқарувидаги «Шанхай Шэньхуа» ЛЧдан чиқиб кетди
Осиё Чемпионлар лигасида сешанба куни «Шанхай Шэньхуа» ўз майдонида Япониянинг «Матида Зелвия» жамоасини қабул қилди. Леонид Слуцкий бошқарувидаги хитой клуби 0:2 ҳисобида мағлуб бўлди. Бу ҳақда euro-football.ru хабар беради.
Учрашувда меҳмонлар ўйин бошида ва якунига яқин фурсатда гол урди. «Матида Зелвия» сафида Юки Сома дубл қайд этиб, 3-дақиқада ва 88-дақиқада рақиб дарвозасини ишғол қилди.
Ушбу мағлубиятдан кейин «Шанхай Шэньхуа» Осиё Чемпионлар лигасининг плей-офф босқичига чиқиш имкониятини йўқотди. Умумий босқичдаги 7 турда жамоа атиги 4 очко тўплади.
Маълумот учун, Леонид Слуцкий хитой клубини 2023 йил охирида қабул қилиб олган.