Роналду Европанинг топ клубларига яна таклиф қилинмоқда
Криштиану Роналду «Ал-Наср» билан муносабатларини тиклади ва бойкотдан кейин яна майдонга қайтди. Шунга қарамай, ёзда португалиялик юлдуз клубини ўзгартириши эҳтимоли сақланиб турибди. Бу ҳақда euro-football.ru хабар беради.
The Touchline хабарига кўра, агент Жорже Мендеш аллақачон Европанинг топ клубларига қўнғироқ қилиб, 41 ёшли Роналдуни ёзги трансфер ойнасида таркибга қўшишни таклиф қилмоқда.
Бир неча йил аввал ОАВда Роналду «Манчестер Юнайтед»дан кетганидан кейин келишмовчиликлар сабаб Мендеш билан ҳамкорликни тўхтатгани ҳақида ёзилганди. Бироқ Transfermarkt маълумотларида Криштиану ҳануз Мендеш агентлигининг мижозларидан бири сифатида кўрсатилган.
Роналдунинг амалдаги шартномаси уни «Ал-Наср» билан 2027 йилнинг ўрталаригача боғлаб турибди.