«Арсенал» испаниялик юлдуз учун 100 млн евро тўлашга тайёр

Испания терма жамоаси ҳамда «Атлетик» (Билбао) вингери Нико Уильямс АПЛ етакчиларидан бири — Лондоннинг «Арсенал» клуби диққат марказига тушди. Бу ҳақда euro-football.ru хабар беради.

Teamtalk хабарига кўра, «канонирлар» футболчини қўлга киритиш бўйича дастлабки музокараларни бошлаб юборган ва басклар жамоасига расмий таклиф тайёрламоқда. «Атлетик» эса ўз етакчиси учун тахминан 100 миллион евро талаб қилмоқда ва бу сумма «Арсенал»ни чўчитмаяпти.

Уильямснинг ўзи ҳам клубини алмаштиришга қарши эмас. Аввалроқ Никога «Тоттенҳэм» ва «Ливерпуль» ҳам қизиқиш билдирганди.

Жорий мавсумда у 26 та учрашувда майдонга тушиб, 4 та гол ва 6 та голли узатма муаллифи бўлди.