«РБ Лейпциг» тажрибали дарвозабонидан бир муддат айрилди
Германиянинг «РБ Лейпциг» клуби асосий дарвозабони Петер Гулачини камида бир ярим ойга йўқотди. Бу ҳақда клуб матбуот хизмати маълум қилди. Бу ҳақда euro-football.ru хабар беради.
Венгриялик посбон яқинда «Волфсбург»га қарши уй учрашувида жароҳат олган. У баҳснинг биринчи бўлимидаёқ майдонни тарк этишга мажбур бўлди.
Яхши томони, футболчига операция керак эмас. Шифокорлар унинг чап тиззасидаги медиал коллатерал боғлам узилганини аниқлади. Гулачи жорий мавсумда 22 расмий ўйинда майдонга тушиб, 10 учрашувда дарвозасини дахлсиз сақлаб қолди.
«РБ Лейпциг» Бундеслигада 40 очко билан турнир жадвалининг бешинчи поғонасида бормоқда.