ЕЧЛ плей офф баҳслари: "Реал", ПСЖ ва "Боруссия Д" ғалаба қозонди
Европа Чемпионлар лигасининг плей-офф босқичидаги тунги баҳслар мухлисларга етарлича эмоция улашди: кимдир минимал ҳисобда ғалаба қозонди, кимдир эса ортдан келиб, ҳақиқий суперкамбэк намойиш қилди. Дортмундда эса барча нарса жой-жойида: хўжайинлар ишни эрта ҳал қилди.
Лиссабондаги учрашувда «Реал» «Бенфика» майдонида жуда ҳам эҳтиёткор, аммо мақсадли ўйин кўрсатди. Мадридликлар учун ҳал қилувчи эпизод иккинчи бўлим бошида келди: 50-дақиқада Винисиус рақиб дарвозасини ишғол этиб, ўйин тақдирини битта зарба билан ўзгартирди. Баҳс давомида яна бир шов-шувли ҳолат ҳам қайд этилди: Жозе Моуринио ҳакам томонидан четлатилди ва шу сабаб у Мадридга бормайди.
Бенфика — Реал 0:1
Гол: Винисиус 50.
Бенфика – Трубин, Дедич, Араужу, Отаменди, Дал, Шелдеруп (Судаков, 74), Эурснес (Кабрал, 81), Баррейро, Престианни, Павлидис, Силва (Риос, 74).
Реал – Куртуа, Трент, Рюдигер, Ҳейсен, Каррерас (Карвахал, 90+9), Гулер, Валверде, Камавинга (Питарч, 90+4), Чуамени, Винисиус, Мбаппе.
Париждаги кайфият эса бошқача: «ПСЖ» «Монако»га қарши ўйинда икки бор ортда қолганига қарамай, иродани намоён қилди. Балогуннинг 1 ва 18-дақиқалардаги голлари монегаскларга тезкор устунлик берганди. Аммо Луис Энрике шогирдлари бу зарбадан ўзига келди: Дуэ 29 ва 67-дақиқаларда дубль қайд этди, Ҳакими эса 41-дақиқада жамоасини ўйинга қайтарган голни урди. Шу тариқа парижликлар 2:3 ҳисобида ғалабага эришди. Қолаверса, Витиня 22-дақиқада пенальтидан фойдалана олмади.
Монако — ПСЖ 2:3
Голлар: Балогун 1, 18 – Дуэ 29, 67, Ҳакими 41.
Монако – Кон, Вандерсон (Бамба, 70), Тезе, Закария, Балогун, Головин, Аклиуш (Диатта, 58), Кайо, Камара, Адингра (Кулибали, 70), Фаес.
ПСЖ – Сафонов, Ҳакими, Маркинос, Пачо, Нуну Мендеш, Невеш, Заир-Эмери, Барколя (Рамуш, 81), Витиня, Дембеле (Дуэ, 27), Хвича (Ли Канг Ин, 69).
Ноаниқ пеналти: Витиня 22.
Дортмундда эса «Боруссия» ўз услубини кўрсатди: учрашувнинг 3-дақиқасида Гирасси ҳисобни очди, 42-дақиқада эса Байер фарқни иккитага етказиб, «Аталанта» учун вазиятни анча оғирлаштирди. 2:0 — «асаларилар» учун ишончли ва тинч ғалаба.
Боруссия Д — Аталанта 2:0
Голлар: Гирасси 3, Байер 42.
Боруссия Д – Кобел, Антон, Бенсебаини, Беллингҳэм, Нмеча (Забитцер, 83), Брандт, Свенссон, Риерсон, Режжиани, Байер (Адейеми, 70), Гирасси (Силва, 83).
Аталанта – Карнезис, Коссуну, Жимсити, Колашинац, Заппакоста (Белланова, 72), де Роон, Эдерсон, Бернаскони, Пашалич, Залевский (Самариж, 82), Скамакка (Крстович, 46).
Энди навбат — жавоб ўйинлари: айнан ўша ерда ҳаммасининг “реал” қиймати билинади. Биринчи қадам ташланди, иккинчиси эса одатда анча қаттиқ бўлади.