Слуцкий бошқарувидаги «Шанхай Шенчхуа» Осиё ЧЛда ютқазди
Осиё Чемпионлар лигаси гуруҳ босқичида етти турдан кейин «Шанхай Шенчхуа» плей-офф йўлланмаси учун имкониятларини бой берди. Саккизинчи турда Леонид Слуцкий жамоаси «Бурирам Юнайтед»га қарши учрашувда турнир билан хайрлашиш олдидан камида ижобий натижа қайд этишга уринди, аммо бунга эриша олмади. Бу ҳақда euro-football.ru хабар беради.
Таиланд клуби «Бурирам Юнайтед» 2:0 ҳисобида ғалаба қозонди. Учрашувнинг дастлабки бўлимида 11-дақиқада Гуд Кертис, 22-дақиқада эса Супханат Муанта гол урди. Орадан кўп ўтмай «Шанхай Шенчхуа» бир футболчисини йўқотиб, камчиликда қолиб кетди ва бу вазият ўйин интригасини амалда якунлаб қўйди.
Маълумот учун, Леонид Слуцкийнинг «Шанхай Шенчхуа» билан амалдаги шартномаси 2027 йил якунига қадар мўлжалланган.