Жезуш Роналдуга дам берилди, у навбатдаги ўйинда йўқ

"Ан-Наср" бош мураббийи Жорже Жезуш Криштиану Роналду нега яқинлашиб келаётган учрашувни ўтказиб юборишини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида "Аркадаг"га қарши майдонга тушади. Португалиялик юлдуз форварднинг тез орада яна сафга қайтиши ҳақида гаплар бор, бироқ бу ўйинда у таркибда бўлмайди.

Жезушнинг айтишича, зич тақвим сабаб Роналду ва асосий таркибнинг яна бир қатор футболчиларига дам бериш ҳақида қарор қабул қилинган. Мураббий бунинг асосий сабаби сифатида олдинда турган муҳим "Ал-Фатеҳ" билан баҳсни кўрсатди.

Al Nassr Zone келтирган иқтибосга кўра, Жезуш Роналдуга дам берилиши янгилик эмаслигини ҳам таъкидлади: у Саудия Арабистонидан ташқарида ўтадиган ўйинларда аввал ҳам бир неча бор майдонга тушмаган.

Саудия чемпионатидаги "Ал-Фатеҳ" – "Ан-Наср" учрашуви шанба, 14-февраль куни бўлиб ўтади.