ПСЖ дарвозабони Сафонов олимпиадачи чанғичиларга омад тилади
«ПСЖ»нинг россиялик дарвозабони Матвей Сафонов Олимпиада дастуридаги 50 км масофага мўлжалланган марафон пойгалари арафасида чанғи спортичилар Дарья Непряева ва Савелий Коростелёвга мурожаат қилди. Бу ҳақда euro-football.ru хабар беради.
Сафонов уларга омад тилаб, пойгада улар учун мухлислик қилишини айтди. Шунингдек, у халқаро мусобақаларда Россия номидан иштирок эта олмагани сабабли Дарья ва Савелийга бироз ҳавас қилаётганини ҳам яширмади.
Дарвозабоннинг таъкидлашича, энг муҳими — стартдан кейин Непряева ва Коростелёв ўз чиқишидан ўзлари мамнун бўлиши.
Эслатиб ўтамиз, Коростелёв скиатлон баҳсида тўртинчи бўлиб, Олимпиада медалигача бир қадам етмай қолганди. Непряева эса ҳозирча кучли ўнталикка кира олмади.