Никколо Ровелла муваффақиятли операция қилинди ва тикланишни бошлайди
"Ювентус"га тегишли бўлиб, ижара асосида "Латсио" сафида ўйнаётган таянч яримҳимоячи Никколо Ровелла жарроҳлик амалиётини муваффақиятли ўтказди. Рим клуби матбуот хизмати футболчининг ҳолати ижобий эканини маълум қилди. Бу ҳақда euro-football.ru хабар беради.
Ровелла Италия А сериясининг 26-турида "Кальяри"га қарши учрашувда (0:0) ўнг ўмров суягини синдириб олганди. Мазкур ўйин 21 февраль куни бўлиб ўтган, энди у яқин кунларда махсус реабилитация дастури бўйича шуғулланишни бошлайди.
24 ёшли яримҳимоячи Италия терма жамоасида 1 та ўйинда майдонга тушган. Клуб мавсумида эса у 9 учрашувда иштирок этиб, 1 та голли узатма муаллифи бўлди. Футболчи сентябрдан январгача остеомиелит сабаб майдонга туша олмаганди.