Слуцкий бошқарувидаги Shanghai Shenyhua ўйинни мағлубият билан якунлади
Осиё Чемпионлар лигасида етти турдан кейин «Shanghai Shenyhua» плей-оффга чиқиш имкониятини бой берганди. 8-турда Леонид Слуцкий жамоаси «Buriram United»га қарши ҳеч бўлмаса мусобақа билан хайрлашувни муносиб тарзда якунлашга уринди, бироқ буни уддалай олмади. Бу ҳақда euro-football.ru хабар беради.
Учрашув 0:2 ҳисобида «Buriram United» фойдасига якунланди. Таиланд клуби биринчи бўлимнинг аввалидаёқ икки бор гол уриб, натижани ҳал қилди. Орадан кўп ўтмай «Shanghai Shenyhua» бир футболчидан айрилиб, сон жиҳатдан камайиб қолди ва ўйиндаги интрига деярли сўнди.
Қайд этилишича, Леонид Слуцкийнинг «Shanghai Shenyhua» билан амалдаги шартномаси 2027 йил якунигача мўлжалланган.