Туркияда ўйинда дарвозабон урган тўп чагʻаллага тегди

Туркияда «Mevlanakapy Guzelhisar» ва «Istanbul Yurdum Spor» жамоалари учрашувида ноодатий воқеа юз берди. Ижтимоий тармоқларда тарқалган лавҳада дарвозабон тўпни узоққа тепишга уринган пайтда у майдон устида учиб ўтаётган чагʻаллага тегиб кетгани акс этган. Бу ҳақда euro-football.ru хабар беради.

Қуш ерга қулагач, ҳар икки жамоа футболчилари дарҳол унинг ёнига югуриб борди. «Istanbul Yurdum Spor» сардори Гани Чатан вазиятга тезда муносабат билдириб, чагʻаллага юракка билвосита массаж қилишни бошлаб юборди.

Шундан сўнг футболчи чагʻалани майдон четида турган тиббиёт ходимларига топширди. Туркиянинг AA нашри маълумотига кўра, чагʻалла омон қолган, бироқ бир муддат уча олмайди — ҳозирда ветеринарлар назорати остида тикланмоқда.