Россия терма жамоасининг март ойидаги иккинчи рақиби маълум

Март ойида Россия терма жамоаси икки назорат учрашувини ўтказишни режалаштирмоқда. Аввалроқ Валерий Карпин бошчилигидаги жамоа Краснодарда Никарагуа билан майдонга тушиши маълум қилинганди. Бу ҳақда euro-football.ru хабар беради.

Россия футбол иттифоқи матбуот хизмати хабарига кўра, 31 март куни BetBoom ўйини доирасида Россия Малига қарши баҳс олиб боради. Учрашув Санкт-Петербургда ўтказилади ва бошланиши 22:00 да (Тошкент вақти билан) белгиланган.

Эслатиб ўтамиз, Россия терма жамоаси FIFA рейтингида 36-ўринда. Бўлажак рақиб Мали эса 54-поғонада жойлашган. Уларнинг атрофида Перу ва Чили бор — Карпин шогирдлари ўтган йил ноябрида айнан шу жамоаларга қарши ўйнаган эди.