Гвардиола Холанд нега қайдномадан тушиб қолганини айтди
“Манчестер Сити” Англия Премьер-лигаси доирасидаги навбатдаги сафар ўйинида “Лидс”га қарши майдонга тушади. Бироқ жамоанинг асосий ҳужумчиси Эрлинг Холанд бу учрашувда ҳатто захира ўриндиғига ҳам киритилмади. Бу ҳақда euro-football.ru хабар беради.
Ўйинолди вазиятга аниқлик киритган бош мураббий Хосеп Гвардиола Холанд машғулот якунланишида енгил жароҳат олганини маълум қилди. Унинг сўзларига кўра, муаммо жиддий эмас, аммо футболчи бугунги баҳсга тайёр ҳолатда эмас.
“Лидс” — “Манчестер Сити” учрашуви 22:30 да (Тошкент вақти билан) старт олади. Ўйин тафсилотларини LiveResult порталидаги матнли трансляция орқали кузатиш мумкин.