Гальярдо кўз ёш билан хайрлашди: Ривердан кетиш бўлмайди

Марсело Гальярдо мураббий сифатида сўнгги ўйинини ўтказди: унинг жамоаси Банфилдга қарши баҳсда 3:1 ҳисобида ғалаба қозониб, кетма-кет учта мағлубиятдан иборат омадсиз серияга нуқта қўйди. Бу ҳақда euro-football.ru хабар беради.

Айнан шу муваффақиятсиз давр Гальярдонинг лавозимига таъсир қилган бўлса-да, клуб унга чиройли хайрлашиш имконини берди. У эса ўша лаҳзани майдонда ҳам, трибуналар қаршисида ҳам жуда таъсирли тарзда якунлади.

Учрашувдан кейин Гальярдо кўз ёшларини яширмади: «Ҳаммангизга шунчаки раҳмат. Бу қадар меҳрингизни сўз билан ифодалаш қийин. Мен бутунлай кетмаяпман. Ривердан ҳеч ким абадий кетмайди. Бу сеҳрли маскан: кетганингда ҳам барибир клуб билан бирга қоласан», деди у.

Эслатиб ўтамиз, Гальярдо 1990-йилларда клуб сафида ҳам, Аргентина терма жамоасида ҳам тўп сурган.