Слуцкий бошқарувидаги Shanghai Shenhua Buriramга ютқазди

Осиё Чемпионлар лигасида “Shanghai Shenhua” етти турдан сўнг плей-оффга чиқиш имкониятини бой берганди. 8-турда Леонид Слуцкий жамоаси “Buriram United”га қарши ҳеч бўлмаса турнир билан муносиб хайрлашишни кўзлади, бироқ буни уддалай олмади. Бу ҳақда euro-football.ru хабар беради.

Учрашувда Таиланд клуби 2:0 ҳисобида ғалаба қозонди. “Buriram” биринчи бўлимнинг аввалидаёқ икки бор рақиб дарвозасини ишғол қилди — 11-дақиқада Гуд Кертис, 22-дақиқада эса Муеанта Супханат гол урди. Тез орада “Shanghai Shenhua” бир футболчига кам қолиб, ўйин интригаси амалда барҳам топди.

Ма’лумот учун, Леонид Слуцкийнинг “Shanghai Shenhua” билан амалдаги шартномаси 2027 йил охиригача мўлжалланган.