Маладыя таленты Беларусі выступяць у нашым эфіры
Мы запісалі два тэлеканцэрты з лаўрэатамі XI Рэспубліканскага творчага конкурсу «Маладыя таленты Беларусі». Песні і інструментальныя кампазіцыі сёлетніх пераможцаў праекта прагучаць у нашым эфіры ў пачатку ліпеня.
Тыя, хто ўжо пакарыў айчынную FM-прастору, змогуць адчуць сябе і зоркамі блакітных экранаў. «Беларусь 3» і арганізатар конкурсу Першы нацыянальны радыёканал запісалі два канцэрты па выніках 11-а сезона праекта. У першай імпрэзе выступяць найлепшыя маладыя выканаўцы інструментальнай музыкі. Некалькі хвілін кожны з іх пабудзе салістам Сімфанічнага аркестра Белтэлерадыёкампаніі. У другой праграме лаўрэаты намінацый «Эстрадны вакал» і «Спадчына» прадставяць папулярныя і народныя песні.
Паказ тэлевізійных гала-канцэртаў «Маладыя таленты Беларусі» запланаваны на 2 і 3 ліпеня. Сачыце за праграмай перадач!