Әти-әнисе пикникта ялгыш кызларын яндырганнар
Әлеге фаҗига май бәйрәмнәрендә Алтай краеның Павлов районында була. Прутская бистәсендә яшәүче гаилә 9 яшьлек кызларын алып табигатькә чыга. Әти-әниләре мангалда ут элдерәләр, моның өчен кабызгыч сыеклык кулланалар. Үзләре шашлык әзерләгән арада утның мангалда үләнгә үрләвен һәм сыелык тутырган шешәгә җитүен сизмиләр дә. Шешә шартлый һәм андагы утлы сыеклык балаларын чолгап ала. Кызчык кычкыргач, әти-әниләре утны тиз-тиз сүндереп, баланы дәваханәгә илтәләр. Әмма 70 процент пешү алган кыз үлә.