Каратэ кекусин буенча Үзәк федераль округ ярышларыннан Валерия–алтын, Мария көмеш медаль алып кайтты
28 февральдә Кострома шәһәрендә каратэ кекусин буенча Үзәк федераль округ ярышлары үткәрелде.
Бу ярышларда Россиянең төрле шәһәрләреннән 300 дән артык спортчы катнашты. Алар арасында 4 кешелек безнең район командасы да бар иде. Унике-унөч яшьлек кызлар арасында безнекеләр җиңү яулады. Советникова Валерия алтын медальгә лаек булды, ә Чернова Мария көмеш медаль белән бүләкләнде. Бу югары нәтиҗәләр кызларыбызга Росси Чемпионатында катнашу мөмкинлеге бирә. Остазлары – «Алинә» спорт залы тренеры Геннадий Вассунов укучыларның уңышы белән горурлана ала.