“Җитештерүдә сакчыллык”  икътисади нәтиҗәлелеккә китерде

 “Зәй шикәр”е АҖ узган ел “Җитештерүдә сакчыллык”  системасы буенча укулар оештырылды. Дәресләрне югары квалификацияле белгечләр алып барды. Укулар лидерлык һәм команда, җитештерү логистикасы, эш вакытын оештыру һәм аның белән идарә итү, югалтуларны киметү, стандартлаштырудан гыйбарәт булды. Шунысы игътибарга лаек, укулардан соң җитештерүчәнлек процессын яхшыртуга юнәлдерелгән 25 проект эшләнгән, ел дәвамында предприятие хезмәткәрләре тарафыннан 565 тәкъдим кергән, шуның 464 тормышка ашырылган. Нәтиҗәдә икътисадый нәтиҗәлелек ярты миллион сум тәшкил иткән.