Әлмәттә язгы каникул кайчан булачак?
ТР Мәгариф һәм фән министрлыгы сайтында урнаштырылган тәкъдим хатында мәктәпләрдә язгы каникулларны үткәрү сроклары күрсәтелгән.
Татарстан мәктәпләре өчен ул 23 марттан 31 енә кадәр билгеләнгән. Ата-аналарның күпсанлы мөрәҗәгатьләренә таянып, министрлык быел язгы каникулларны барлык мәктәпләрдә дә бер үк вакытта уздырырга тәкъдим итә. Бу ата-аналар өчен дә, балалар өчен дә уңай. Әмма каникул сроклары турында соңгы карарны аерым мәктәп администрациясе закон дәрәҗәсендә кабул итә ала.