Иске Михайловка мәчетенә ярдәм кирәк
Иске Михайловка авыл җирлегендә хәл ителәсе сораулар да юк түгел. Шуның иң зуры - Ирекледәге мәчет ремонты.
Гыйбадәтханә 1998 елда районның мактаулы гражданины, мәрхүм Илдус ага Гәрәев ярдәме белән сафка баскан. 20 елга якын дәвердә аның бер тапкыр да ябылганы юк. Ләкин бүген мәчетнең нигезен ныгытасы, түбәсен алыштырасы бар.
- Без теләсә нинди ярдәмне Аллаһы Тәгалә ризалыгы өчен дип кабул итәрбез, догабыздан калдырмабыз, - ди мәчет имамы Флорид хәзрәт Мортазин.