Әлмәт яшьләре кан тапшырды
Ирекле донор каны һәм аның компонентлары үсеше программасы кысаларында кан салу үзәгендә акция узды. Акциянең максаты әлеге изге гамәлгә яшьләрне җәлеп итүдән гыйбарәт иде. Яшьләр өчен кызыклы программа төзелгән булып чыкты.
Алар донорлык системасы, кан саклау технологияләре белән таныштылар, башка чараларда катнаштылар. Азактан теләүчеләр тормышларында беренче тапкыр кан тапшырдылар. Акция барышында 83 донор кабул ителде һәм 24 литр кан тупланды.