Раньери матбуот анжуманида савол-жавобни Шомуродовдан бошлади
0
А Серияда қолиш учун курашаётган “Кальяри”ни навбатдаги турда қийин рақиб – амалдаги чемпион “Наполи” кутиб турибди. 25 февраль куни бўладиган учрашув олдидан сардинияликлар бош мураббийи Клаудио Раньери матбуот анжуманида журналистлар билан мулоқот қилди.
- Жамоада жароҳатлар билан боғлиқ вазият қандай?
- Шомуродов секин-аста оёққа тура бошлади. Элдор бир муддат мустақил тарзда машғулот ўтказди. Шунингдек, жамоадош дўстлари билан ҳам умумий гуруҳда машғулот ўтади. Гаэтано Ористаниода ҳам худди шундай вазият. Иброҳим Сулеманага бироз вақт керак. Пантелис Хацидиакос ва Марко Манкосу сафимизда эмас.
- Удинедаги ўйиндан қониқдингизми?
- Ҳа, йигитлар кўрсатмаларни тўғри тушуниб етди. Шундан хурсандман. Энди ҳар бир учрашувда худди охиргисидек ўйнашимиз керак бўлади.”Наполи” кризисда эмас, лекин улар ўтган йилги чемпионликни такрорлай олмайди. Уларнинг таркибида ажойиб ўйинчилар бор ва улар жамоани имкон қадар юқорига кўтаришга ҳаракат қилади. Ҳурмат қиламиз, лекин курашишимиз ҳам керак.
- “Наполи”нинг янги мураббийи Франческо Кальцоне ҳақида нима дейсиз?
- У ажойиб мураббий ва Неаполда яхши натижаларни қайд эта олади.
- “Наполи” билан биринчи ўйиндан қандай таассурот қолган?
- Жамоамиз ўзини яхши томондан кўрсата олди. Бироқ кейинчалик “Наполи” юқори сифат эвазига ғалабани қўлга киритди.
- Николас Виола Жанлука Гаэтано билан бирга ўйнай оладими?
- Албатта, бири бошқасига халақит қилади, деб ўйламанг. Лекин кейинги пайтда Виола худди Матео Прати сингари нафасини ростлаб олишига тўғри келяпти.
- Сиз истеъфога чиқмоқчи бўлиб, ўйинчиларнинг реакциясини синаб кўрдингизми?
- Йўқ. Истеъфо бериш керак, деб ўйладим. Лекин футболчиларнинг гапларидан кейин фикримни ўзгартирдим. Нафақат мен, балки ҳаммамиз биргаликда қуйи лигага тушиб кетишдан қутилиш учун қўлимиздан келганини қилишимиз керак. Охиригача курашамиз ва ҳаммасини охирида кўрамиз.
- Найтан Нандес ва Андреа Петанья ҳақида нима дейсиз?
- Найтан ҳафтани яхши ўтказди, мен ундан қониқдим. Мен ҳаммани кузатиб боришга ҳаракат қиламан.
- Минанинг келиши ҳимояда инқилоб қилдими?
- Ҳа, бу жуда катта тажрибага эга ўйинчи, уни анчадан бери олишни истардик. Минада тўғри характер шаклланган.