Սամվել Կարապետյանին մեղադրանք է առաջադրվել իշխանությունը զավթելու հրապարակային կոչեր հնչեցնելու հոդվածով. փաստաբան

Գործարար, «Տաշիր» ընկերությունների խմբի հիմնադիր Սամվել Կարապետյանի փաստաբանը ներկայացրել է, թե ինչ մեղադրանք է նրան առաջադրվել։

Լրագրողների հետ զրույցում փաստաբան Արմեն Ֆերոյանը հայտնել է, որ Սամվել Կարապետյանին մեղադրանք է առաջադրվել իշխանությունը զավթելու հրապարակային կոչեր հնչեցնելու հոդվածով։ 

Ըստ փաստաբանի՝ Սամվել Կարապետյանը չի ընդունում իրեն առաջադրված մեղադրանքը։ 

Նա նաև հայտնեց, որ Քննչական կոմիտեն Սամվել Կարապետյանին կալանավորելու միջնորդություն է ներկայացնում դատարան։ 

Ավելի վաղ տեղեկացրել էինք, որ գործարար Սամվել Կարապետյանը գիշերը դուրս է եկել առանձնատնից և հեռացել իրավապահների հետ։ Կարապետյանի կարգավիճակի մասին տեղեկություններ դեռ չեն հայտնվում:

The post Սամվել Կարապետյանին մեղադրանք է առաջադրվել իշխանությունը զավթելու հրապարակային կոչեր հնչեցնելու հոդվածով. փաստաբան first appeared on MediaLab Newsroom-Laboratory.