Թող պատասխանեն՝ ինչո՞ւ էին մեր ամանի մեջ լցնում ջուր, կաղամբ, կարտոֆիլ ու կիլկի, հացն էլ՝ 7 օրը մեկ. Սիմոնյան
Ազգային ժողովի նախագահ Ալեն Սիմոնյանը հիշել է իր ծառայության տարիները, նշելով, որ այդ ժամանակ պետության ղեկին Ռոբերտ Քոչարյանն էր, պաշտպանության նախարարն՝ Սերժ Սարգսյանը, իսկ Սեյրան Օհանյանը՝ առաջին բանակային կորպուսի հրամանատարը։
«Մի հատ ընդհանուր «բուկետ» էր։ Մի հատ սրիկա, ոչնչություն կար, կանգնում էր ճաշարանի դռան մոտ ու ռետինե մահակով 18 տարեկան երեխաներին, որոնք մտնում էին հաց ուտելու, ուղղակի հարվածում էր: Մեկ այլ «ոչնչություն» էլ գիշերը որս էր կազմակերպում։
Գիշերը որոշ զինվորներ փորձում էին գնալ Հոկտեմբերյան՝ ուտելիք հայթայթելու, պատկերացնո՞ւմ եք, իսկ էդ սրիկան դուրս էր գալիս որսի, մի հատ «Ջիպ» մեքենա ուներ, բռնում էր երեխաներին ու ծեծելով բերում էր. իր համար դա զբաղմունք էր»,- ԱԺ-ում պատմեց Սիմոնյանը:
Խոսնակը նաև հետաքրքրվեց, թե որտեղ են հիմա Սեյրան Օհանյանը, Սերժ Սարգսյանը և Ռոբերտ Քոչարյանը, որոնք, իր խոսքով, «մեծ-մեծ խոսում են»։
«Թող գան, ինձ պատասխան տան՝ ինչու էին մեր ամանի մեջ լցնում եռացրած ջուր, կտրտած կաղամբ, կարտոֆիլ ու кильки в томатном соусе, եռացնում էին ու տալիս երեխեքին, հաց էլ տալիս էին յոթ օրը մեկ… կներեք, որ պատմում եմ, բայց պետք է սա շփցնել միլիոնատերերի երեսներին, ո՞ւր են սրանք, ո՞ւր է «Հայր մեր»-ը չիմացող մարդը»,- ասաց Ալեն Սիմոնյանը։
The post Թող պատասխանեն՝ ինչո՞ւ էին մեր ամանի մեջ լցնում ջուր, կաղամբ, կարտոֆիլ ու կիլկի, հացն էլ՝ 7 օրը մեկ. Սիմոնյան first appeared on MediaLab Newsroom-Laboratory.