ګوډې اوښې په مصنوعي پښه ګرځېدل شروع کړل
دا اوښه کېمي نومېږي او له هغې وروسته له منډو لوېدلې وه چې د سېند په سانګړ سیمه کې ترې یو زمیندار په دې ګناه یوه پښه غوڅه کړې وه چې له پټي یې خوراک کړی وو. وروسته چې دا موضوع پر ټولنیزو رسنیو ډېره مشهوره شوه او د خلکو پام یې ځان ته واړاوه نو په کراچۍ کې د حیواناتو د درملنې یو مرکز د اوښې د پښې علاج شروع کړو. دوی د امریکا د یوې کمپنۍ په مرسته کېمي ته مصنوعي پښه ولګوله. اوس هغه ګوډه اوښه یو وارې بیا د پخوا په شان ګرځې راګرځي.
د فرانس پرېس خبري اژانس له وېډیو جوړ راپور وګورئ.