Жуырда Алматыда дау шықты. Бұған қаланың басты даңғылдарының бірінде ашылған жаңа дәмхананың Lenina 36 деген атауы түрткі болды. Дәмхана иелері шешімін даңғылдың ескі атауымен байланыстырған. Бұрын бұл көше 1917 жылғы социалистік революция көсемі Владимир Лениннің есімімен аталған. Алайда бұл идея көпшілікке ұнамады. Сөйтіп дәмхана атауы өзгерді. Азаттық Азия редакциясы Қазақстанда "кәнсілдеу мәдениеті" қалай қалыптасты деген сұрақты зерттеп көрді.
