خیبر پښتونخوا کې د ورښتونو او سېلابونو له وجې د تلفاتو شمېر لوړ شوی دی
چارواکي وايي، د خیبر پښتونخوا په بونېر، باجوړ، بټګرام، مانسهره او یوشمېر نورو ضلعو کې د اګست پر ۱۵مه د شړکنده بارانونو پر مهال په بېلابېلو پېښو او سېلابونو کې د وژل شویو شمېر ۲۱۰ ته لوړ شوی دی. د طبیعي ناورینونو پر وړاندې د مبارزې صوبايي ادارې (پي ډي اېم اې) د معلوماتو له مخې په وژلو شویو کې مېرمنې او ماشومان هم شامل دي. پر دې سربېره د یوشمېر نورو کسانو د ژوبلېدو راپورونه هم ورکړل شوي دي. سېلابونو د خلکو کورونو، دېرو، پټیو او لارو کوڅو ته هم زیان اړولی دی. د خیبر پښتونخوا اعلا وزیر علي امین ګنډه پور او د پاکستان وزیراعظم شهباز شریف د سېلابځپلو خلکو د بحالۍ امر کړی دی.
نور حال د رویټرز او فرانسې خبري اژانس په دې ویډیويي راپور کې