د روسیې ډرون الوتکو د مسکو د بشپړ یرغل له پیل راهیسې د لومړي ځل لپاره د اوکراین پر یوې مهمې حکومتي ودانۍ برید کړی دی. اوکرایني چارواکي وايي چې د سپتمبر په ۷مه د کیف د وزیرانو د کابینې پر ودانۍ برید د ۲۰۲۲ کال له فبرورۍ راهیسې د اوکراین پر پلازمینه د روسیې د تر ټولو لوی هوايي برید یوه برخه ده. اوکرایني چارواکو وویل چې روسیې پر کیف او شاوخوا ۸۰۰ ډرونونه او توغندي وویشتل چې لږترلږه درې کسان یې ووژل. اسرارعالم مومند او احمد میلاد نسیمي په دې اړه ویډیو رپورټ وړاندې کوي.
