په خوست کې د طب د نیمه لوړو زدکړو فارغان له نړیوالو بنسټونو او اړوندو ادارو د کاري زمینو برابرولو غوښتنه کوي. زدکړيالان زیاتوي، د نیمه لوړو طبي زدکړو ډېری فارغان هغه کسان دي، چې کمزوری اقتصاد لري او ټولنې ته پر خدمت سربېره د خپلو کورنیو د لګښتونو پوره کولو لپاره د معاش هيله لري. فارغانو یادې څرګندونې د جنورۍ پر شپږمه په خوست کې د طب له يوې شخصي ادارې څخه د ۲۵۸ ځوانانو په فراغت غونډه کې وکړې.
