Գևորգ եպիսկոպոս Սարոյանը ազատվել է Մասյացոտնի թեմի առաջնորդի պաշտոնից. Մայր Աթոռ

Ն․Ս․Օ․Տ․Տ․ Գարեգին Բ Ամենայն Հայոց Կաթողիկոսի հունվար 10, 2026 թվակիր Հայրապետական տնօրինությամբ Մասյացոտնի թեմի առաջնորդ Գերշ․ Տ․ Գևորգ եպիսկոպոս Սարոյանը ազատվել է թեմակալ առաջնորդի պաշտոնից։Այս մասին հայտնում են Մայր Աթոռից:

Տնօրինության համար հիմք են ծառայել առաջնորդի հանգամանքը չարաշահելու, պարտականությունների մեջ թերանալու, թեմի եկեղեցականաց նկատմամբ հարկադրանք ու ճնշումներ գործադրելու պարագաները։

Հայրապետական տնօրինությամբ Մասյացոտնի թեմի առաջնորդական տեղապահ է նշանակվել Հոգեշնորհ Տ․ Ռուբեն վարդապետ Զարգարյանը։

The post Գևորգ եպիսկոպոս Սարոյանը ազատվել է Մասյացոտնի թեմի առաջնորդի պաշտոնից. Մայր Աթոռ first appeared on MediaLab Newsroom-Laboratory.