Օդային «խաչմերուկի» առասպելը
Վերջին օրերին իշխանության ներկայացուցիչները սոցիալական ցանցերում ակտիվորեն տարածում են քարտեզներ՝ պնդելով, թե տարածաշրջանում օդային երթևեկության հիմնական հոսքերը անցնում են Հայաստանի վրայով։ Նպատակը պարզ է՝ ցույց տալ, որ Հայաստանը դարձել է կարևոր օդային «խաչմերուկ»։
Սակայն նույն քարտեզները մոտիկից դիտելու դեպքում պատկերը բոլորովին այլ է։ Flightradar24-ի տվյալներով՝ տարածաշրջանային հիմնական օդային երթուղիների մեծ մասը անցնում է ոչ թե Հայաստանի, այլ Վրաստանի և Ադրբեջանի օդային տարածքով։
Սև ծովից դեպի Կասպից ծով և Կենտրոնական Ասիա գնացող երթուղիների հիմնական հոսքը անցնում է Վրաստանի վրայով, իսկ արևելք–արևմուտք ուղղությամբ զգալի հատվածը անցնում է Ադրբեջանի օդային տարածքով։ Հայաստանի վրայով անցնող թռիչքների թիվը այդ ընդհանուր հոսքերի համեմատ շատ փոքր է։
Այսինքն՝ քարտեզը արագ նայելիս կարող է տպավորություն ստեղծվել, թե տարածաշրջանի օդային երթևեկությունը կենտրոնացած է Հայաստանի վրա, բայց քարտեզը մեծացնելու դեպքում պարզ է դառնում, որ հիմնական օդային միջանցքները անցնում են հարևան երկրների վրայով, ոչ թե Հայաստանի։
MediaLab.am
The post Օդային «խաչմերուկի» առասպելը first appeared on MediaLab Newsroom-Laboratory.