“Әлмәт-Водоканал”га бурычлыларның эше судта
“Әлмәт-Водоканал” ААҖ Директорлар советының утырышы булып узды. Анда эшчәнлекнең агымдагы елның тугыз ае йомгаклары тикшерелде. Чыгышлардан аңлашылганча, суга тарифларның кискен үсеше тоткарланган.
Узган ел тариф 39,05 сум/кубометр тәшкил итсә, быелның 1 июленнән ул 39,42 сум. Бурычлыларга каршы көрәш бүген дә бара. Судка 47926,8 мең сумга 216 дәгъва гаризасы язылган.
Республиканың “Чиста су” программасы буенча “Урсалы” микрорайоны өчен суүткәргеч төзелеше бара. Миңлебай станциясендә су белән тәэмин итүнең инженерлык системасы куллануга тапшырылган.