Байден Джо толам баккхарца декъалвина Путин Владимира
Харжамашкахь хьалха вала цунна оьшура харжамхойн 270 кхаж, ткъа цунна кхаьчна 306. Трамп Доналдан 232 кхаж бара.
Массо а тIегIанехь Байденан аьттонаш хила лаар билгалдоккхуш, Путина ша тешна ву аьлла, Оьрсийчоьнна а, Американа а юкъахь цакхетамаш белахь а, тахана дуьненчохь Iитталун проблемаш ерзон ницкъ шайн кхочур бу аьлла.
"Сайгахьара со кийча ву зIе а, уьйраш а латтон", аьлла президенто шен телеграммехь.
Лахьан-беттан 3-чу дийнахь президентан харжамаш дIабаьхьира Америкехь. Президентан дарж къовсуш вара республиканхо Трамп Дональд а, демократ Байден Джо а. Хилла жамIаш довзийтинчул тIаьхьа Трамп къийса волавелира хилла хьесапаш.
Байначу беттан 7-чохь Байден Джос ша толам баьккхина аьлла, дIакхайкхийра. Цул тIаьхьа 50 пачхьалкхийн куьйгалхоша декъалвира иза. Дечкен-беттан 20-чохь инаугураци хила езаш ю Американ Цхьанатоьхначу Штатийн керлачу президентан.