Дагестан а, ГIалгIайчоь а лидершкахь ю регистраци йинчу терроран зуламийн терахьашца
Кху шеран дуьххьарчу ялх баттахь Дагестанехь 298 терроран чулацам болчу зуламна регистраци йина. Оцу гайтамца республика хьалхаяьлла йогIу мехкан йиссинчу ерриг регионел а: иштта, шолгIачу меттехь Москва ю, цигахь оцу тайпа зуламийн терахь 83 ду, кхозлагIа меттехь ГIалгIайчоь ю – 81 зулам.
Амма коьртачу прокуратурано статистикан гайтарш даладо деккъа билггал долчу терахьашца. Амма бахархойн терахьца дуьстича, Дагестанехь и барам ГIалгIайчохьчул а лахара хуьлу 1,6-зза сов, тIаккха жимма хьалхаяьлла йогIу ГIебарта-Балкхарайчоь, йоьалгIачу меттехь – Нохчийчоь.
Кху шеран яхначу хенахь долу терахьаш дайначу шарахьчул лахара ду. Иштта, Дагестанехь дечкен-баттера мангал-батте кхаччалц йолчу хеначохь 342 терроран зуламаш гучудаьлла, ткъа ГIалгIайчохь – 74.
2021-чу шеран жамIашца регистраци йинчу зуламийн терахьийн рейтингехь оьрсийн топ-6 регионашкахь нисбелла Краснодаран а, Ростован а мехкаш. Рейтингехь шолгIа меттиг яьккхина Кубань махко.
2021-чу шеран 11 баттахь Нохчийчохь шозза сов (58,5%) лахделла кхиамца зуламаш таллар – иза махкахь уггара ледара гайтам бу.