Հայտնի են Կիպրոսի նախագահական ընտրությունների երկրորդ փուլ անցած թեկնածուների անունները

Կիպրոսում ավարտվել են նախագահական ընտրությունները: Էքզիթ-փոլի տվյալներով՝ ընտրությունների երկրորդ փուլ են անցնում գործող նախագահ Նիկոս Անաստասիադիսը և կոմունիստական կուսակցության ներկայացուցիչ Ստավրոս Մալասը:

Այս մասին հայտնում է Gazeta.ru-ն՝ վկայակոչելով Կիպրոսի պետական հեռուստատեսությունը: Նախնական տվյալներով՝ Անաստասիադիսը ստացել է ձայների 38-42 տոկոսը, իսկ Մալասի օգտին քվեարկել է 27-31 տոկոսը:

Երրորդ տեղում է կենտրոնական Դեմոկրատական կուսակցության ներկայացուցիչ Նիկոլաս Պապադոպուլոսը, ով 21.5-24.5 տոկոս ձայն է ստանում: